咩都好冇記性....就快連自己都唔記得啦~.~

睇到近來不少朋友準備結婚或已經結左婚, 個感覺真係好好好特別呀~, 大家都係同年, 點解覺得你地咁早結婚又咁幸福...又羨慕, 不過自己負擔唔起.....一想起就唔開心....我係唔適宜咁早結婚....

雖然真係冇咩聯絡, 不過都想講一句~"祝你地白頭到老, 永結同心^^"

最開心既係

今年都仍然有咁多各方好友既祝賀, 真係多謝你地~, 今年仲要加埋北京奧運開幕既大日子, 呢一日我終於都等到啦~^^

我既plan如常咁舉行

2008-08-05 同同事一齊去荃灣neway 唱k 好開心呀~同佢地影左好多相呀~

2008-08-06 同cityu fds一齊去左油麻地金山酒家食海鮮, 味道都唔錯呀~d蝦好大隻呀~, 其實蜆, 蠔都好好味, 多謝你地送我既護膚品, 我要用得好d俾個有神彩, 有改善既皮膚俾你地睇

2008-08-07 同rachel, helen 同winnie一齊去嘉樂唱k, o係我年年生日既期間, 我都一定會同伙地去唱k, 今次都唔例外, 多謝你地俾左咁附驚喜我呀~, 我真係冇諗住有禮物收, 仲要有埋小蛋糕, 我好滿足呀>.<

2008-08-08 夜晚十二點已經有驚喜啦~, 真係好感動, 冇諗過有既野都發生左好多~, 多謝send過sms同打電話同我講過生日快樂既人, 我今年真係過得特別好~, 好幸福*--*

2008-08-09 呢個去kelvin 屋企既plan應該因為tami而要押後啦~tami話下星期上下午時間應該ok, 夜晚有機會有job做, 所以夜晚早走, 遲d再約你地啦~

最唔開心既係

一定係自己已經過左十八廿二呢個階段啦~, 不過我見咁多個朋友都同我一齊過呢幾日開心既日子, 我都好滿足啦~

未見到面既朋友, 今年點都要見架啦~, 如果你地邊個主動, 就打俾我約我時間出黎聚聚舊啦~^^